Bitkoin so‘nggi o‘n yildan ortiq vaqtdagi eng yomon chorakni bosib o‘tdi. 2022-yilning ikkinchi yarmida kriptovalyuta 58 foizga o‘z qiymatini yo‘qotdi. Bu haqda Bloomberg xabar bermoqda.
Bitkoinning bu darajada qadrsizlanishiga asosan dunyo bo‘ylab Markaziy banklar tomonidan shafqatsiz foiz stavkalari sabab bo‘lmoqda.
58 foizlik pasayish 2011-yilning uchinchi choragidan beri eng kattasi. O‘sha paytda bitkoin hali boshlang‘ich bosqichida edi.
Toshkent vaqti bilan soat bugun, 30-iyun kuni 11:30lar atrofida eng yirik kriptovalyuta 5 daqiqa ichida 500 dollardan ko‘proqqa pasayib, 19 476 dollarga tushib ketdi.
14:30 ga kelib bitkoin 19 ming dollardan ham tushib ketdi va soat 17:30 da 19,1 ming dollar bo‘lib turibdi.
Ayni paytga kelib bitkoinning bozor qiymati 367 mlrd dollarga teng va u qisqarib bormoqda.
2021-yil noyabr oyida kriptovalyuta narxi 68 ming dollargacha ko‘tarilgan edi.
Izoh (0)