АҚШ Федерал резерв тизими (Фед) навбатдаги йиғилишда асосий ставкани оширгандан кейин, 27 июль куни биткоин нархи 8 фоизга ошди. Бу ҳақда «Дарё»га CoinDesk порталидан маълум бўлди.
Фед фоиз ставкаларини оширганидан кейин, Тошкент вақти билан 28 июль соат 00:26 ҳолатига кўра, энг йирик криптовалюта 23 минг доллардан ошиб кетди.
Фед йиғилишидан олдин унинг қиймати 21,6 минг доллар бўлиб турган эди. Соат 07:52 да биткоин нархи 23,4 минг долларгача кўтарилди.
Шу тариқа АҚШда асосий ставка о,75 пунктга оширилганидан кейин энг йирик криптовалюта — биткоин қиймати 8,3 фоизга ошди.
Тошкент вақти билан соат 14:00 га келиб биткоиннинг нархи 22 965 доллар бўлиб турибди.
АҚШ Федерал резерв тизими (Фед) базавий фоиз ставкасини кетма-кет иккинчи марта — 0,75 пунктга, йиллик 2,25 фоиздан 2,5 фоизга оширди.
Июнь—июль ойларида жами ўсиш 150 базавий пунктни ташкил қилди. Бу эса 1980 йилларнинг бошидан бери энг кескин кўтарилишдир.
Изоҳ (0)