Bitkoin o‘tgan yilning oktabr oyidan beri haftalik eng yuqori daromadga erishmoqda. Bu haqda Bloomberg xabar berdi.
Toshkent vaqti bilan 8-iyul soat 06:29 holatiga ko‘ra bitkoin 22 401 dollarga baholandi. Eng yirik kriptovalyuta bir hafta davomida 13 foizdan ko‘proqqa o‘sdi.
Ether, Avalanche va Solana kabi boshqa tokenlar ham so‘nggi kunlarda kuchaymoqda. Bu kriptovalyutalarning umumiy bozor qiymatini 1 trln dollardan qayta oshirishga yordam berdi.
Tahlilchilarning aytishicha, bu o‘sish bitkoin uchun qisqa muddatli, chunki iqtisodiy xavf-xatarlar va AQSHda inflyatsiyaning yanada ko‘tarilishi kriptovalyutaning qayta qulashiga sabab bo‘lishi mumkin.
Bitkoin 2022-yilda 50 foizdan ko‘proqqa pasayib ketdi. Ayni paytga kelib kriptovalyutaning bozor qiymati 415 mlrd dollargacha ko‘tarilgan.
Avvalroq bitkoin narxi 2020-yildan beri birinchi marta 20 ming dollardan pastga tushgan edi.
Izoh (0)