Elektr avtomobil ishlab chiqaruvchi Tesla kompaniyasi 2022-yilning ikkinchi choragi uchun hisobot berdi. Unga ko‘ra, bitkoinning qadrsizlanishi kompaniyaning ikkinchi chorakdagi foydasiga ta’sir o‘tkazdi.
Kompaniya o‘z bitkoinlarining taxminan 75 foizini fiat valyutasiga aylantirdi, bu uning balansiga 936 million dollar qo‘shdi.
Ilon Mask Xitoydagi COVID’ga qarshi cheklovlar sharoitida likvidlikni oshirish uchun ularni sotish zarurligini tushuntirdi, — deb yozadi nashr.
Mask kriptovalyutalarning sotuvini “bitkoinga hukm” sifatida qabul qilmaslikka chaqirdi va kompaniya kelajakda kriptovalyutadagi mablag‘larini ko‘paytirmoqchiligini qo‘shimcha qildi.
Kompaniyaning daromadi Refinitiv prognozi 17,1 mlrd dollarga nisbatan 16,93 mlrd dollarni tashkil etdi.
Har bir aksiya bo‘yicha daromad kutilgan 1,81 dollarga nisbatan 2,27 dollarni tashkil etdi.
Kompaniya ta’minot zanjiridagi global uzilishlar va ishchi kuchi tanqisligi, boshqa muammolar qatorida zavodlarning to‘liq quvvat bilan ishga tushishiga to‘sqinlik qilgan.
Savdolar yopilgandan so‘ng kompaniya aksiyalari 1,45 foizga o‘smoqda — har bir aksiya uchun 753,3 dollargacha.
Tesla 2021-yil fevral oyida bitkoinga 1,5 milliard dollar sarmoya kiritgan. O‘sha yilning mart oyida Ilon Mask AQSHda bitkoinlar uchun avtomobillar sotuvi boshlanganini e’lon qilib, keyinchalik fikrini o‘zgartirgan.
Avvalroq Tesla iyul oyida Xitoy va Germaniyadagi zavodlari ishini to‘xtatishi haqida xabar berilgandi.
Izoh (0)