Prezident topshirig‘ini bajarishda ijro intizomini buzgan 5 nafar xodim lavozimidan ozod etilgan. Bu haqda 27-iyul kuni AOKAda Adliya vazirligi mutasaddilari bilan o‘tkazilgan matbuot anjumanida ma’lum qilindi, deb xabar bermoqda “Daryo” muxbiri.
Prezident hujjatlari ijrosini nazorat qilish boshqarmasi boshlig‘i Nu’mon Muxammadiyevning ta’kidlashicha, nazorat va hisobdorlikni tashkil etish sohasida prezidentning 15 ta sohadagi topshiriqlari ijrosi ichki ish rejalarga asosan monitoring va tahlil qilinib, natijasi bo‘yicha Prezident Administratsiyasiga tahliliy axborot hamda ma’lumotlar kiritilgan.
“Shu bilan birga, tahlil natijalari bo‘yicha aniqlangan qonun buzilishi holatlarini bartaraf qilish hamda kelgusida bu kabi holatlarni takroran sodir etilishining oldini olish yuzasidan Moliya vazirligi, Qurilish vazirligi, Energetika vazirligi, Davlat soliq qo‘mitasi va boshqa idoralarga 10 dan ortiq taqdimnomalar kiritildi”, — deydi u.
Nu’mon Muxammadiyevning aytishicha, ijro intizomining buzilishiga yo‘l qo‘ygan jami 12 nafar xodim intizomiy javobgarlika tortilgan. Shundan 5 nafari egallab turgan lavozimidan ozod qilingan bo‘lsa, 6 nafari “hayfsan”, 1 nafariga esa “jarima” qo‘llanilgan.
Izoh (0)