Президент топшириғини бажаришда ижро интизомини бузган 5 нафар ходим лавозимидан озод этилган. Бу ҳақда 27 июль куни АОКАда Адлия вазирлиги мутасаддилари билан ўтказилган матбуот анжуманида маълум қилинди, деб хабар бермоқда «Дарё» мухбири.
Президент ҳужжатлари ижросини назорат қилиш бошқармаси бошлиғи Нуъмон Мухаммадиевнинг таъкидлашича, назорат ва ҳисобдорликни ташкил этиш соҳасида президентнинг 15 та соҳадаги топшириқлари ижроси ички иш режаларга асосан мониторинг ва таҳлил қилиниб, натижаси бўйича Президент Администрациясига таҳлилий ахборот ҳамда маълумотлар киритилган.
«Шу билан бирга, таҳлил натижалари бўйича аниқланган қонун бузилиши ҳолатларини бартараф қилиш ҳамда келгусида бу каби ҳолатларни такроран содир этилишининг олдини олиш юзасидан Молия вазирлиги, Қурилиш вазирлиги, Энергетика вазирлиги, Давлат солиқ қўмитаси ва бошқа идораларга 10 дан ортиқ тақдимномалар киритилди», — дейди у.
Нуъмон Мухаммадиевнинг айтишича, ижро интизомининг бузилишига йўл қўйган жами 12 нафар ходим интизомий жавобгарлика тортилган. Шундан 5 нафари эгаллаб турган лавозимидан озод қилинган бўлса, 6 нафари «ҳайфсан», 1 нафарига эса «жарима» қўлланилган.
Изоҳ (0)