O‘zbekistonda yengi avtomobillar importi ikki barobarga oshdi

Davlat statistika qo‘mitasi ma’lumotlariga ko‘ra, 2022-yilning yanvar–iyun oylarida O‘zbekiston xorijiy davlatlardan qiymati 396 million AQSH dollariga teng bo‘lgan 16 308 ta yengil avtomobil import qilgan.

Yengil avtomobillar importi 2021-yilning mos davri bilan solishtirilganda 7 mingtaga yoki qariyb 2 baravarga oshgan.

O‘zbekiston asosan qaysi davlatlardan yengil avtomobil import qilgan?

Qo‘mita ma’lumotlariga ko‘ra, 2022-yilning yanvar–iyun oylarida O‘zbekiston 24 ta xorijiy davlatlardan yengil avtomobillar import qilgan.

6 oyda O‘zbekiston yengil avtomobillarni eng ko‘p import qilgan davlatlar:

• Xitoy – 7265 ta;
• Koreya – 4510 ta;
• Qozog‘iston – 2896 ta;
• Rossiya – 1192 ta;
• AQSH – 180 ta;
• BAA – 84 ta;
• Yaponiya – 65 ta.