Халқаро валюта жамғармаси жорий ва келаси йил учун жаҳон инфляциясини мос равишда 8,3 фоиз ва 5,7 фоиз бўлишини кутаётганини эълон қилди. Бу ҳақда ташкилот сайтида хабар берилди.
Иккала ҳолатда ҳам прогноз апрель ойидаги маълумотларга нисбатан 0,9 фоиз пунктга ошди.
Прогнознинг ўзгаришига энергия ва озиқ-овқат нархларининг кўтарилиши, шунингдек, талаб ва таклифнинг давом этаётган номутаносиблиги таъсир кўрсатди.
Жамғарманинг тахминларига кўра, иқтисодиёти ривожланган мамлакатларда нархлар мос равишда 6,6 ва 3,3 фоизга, ривожланаётган мамлакатларда эса 9,5 ва 7,3 фоизга ошади.
Еврозонада жорий ва келгуси йил учун инфляция мос равишда 7,3 фоиз ва 3,9 фоизни ташкил қилади. АҚШда — мос равишда 7,7 фоиз ва 3 фоиз.
Мутахассисларнинг фикрича, Россия газининг Европага экспортининг тўлиқ тўхтатилиши инфляциянинг тезлашишига таъсир қилиши мумкин.
Европада бу энергия истеъмолини меъёрлаштириб, йирик саноат тармоқларига зарба бериши ва 2022 ва 2023 йилларда евроҳудуддаги ўсишни кескин чеклаб қўйиши бўлиши мумкин, — деб ёзади ХВЖ.2022 йил апрель ойида Жаҳон банки маълумотларига кўра, жаҳон нархларининг ўсиши 7,8 фоизни ташкил этди, бу бутун дунё бўйича 2008 йилдан бери, ривожланган мамлакатлар учун 1982 йилдан бери энг юқори кўрсаткичдир.
Ўзбекистонда вазият қандай?
Ўзбекистонда июнь ойида йиллик инфляция суръати 12,2 фоизни ташкил этди. Ушбу ўсиш асосан глобал инфляцион жараёнлар шароитида импорт инфляцияси, товарларни етказиб бериш ва логистикасида юзага келаётган муаммолар билан изоҳланади.Бундан ташқари ғалла етиштириш ва сотиш нархларининг эркинлаштирилиши каби омиллар ҳам юқори инфляцияга сабаб бўлмоқда.
Йиллик инфляция таркибида озиқ-овқат маҳсулотлари нархлари 16,5 фоизга ошган бўлса, ноозиқ-овқат товарлари ва хизматлар мос равишда 10,7 ва 6,8 фоизга қимматлашди.
Изоҳ (0)