Farg‘ona viloyati Qo‘shtepa tumanida fuqaroning o‘qishini ko‘chirib berishni va’da qilgan firibgar ushlandi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Qo‘shtepa tuman bo‘limi tomonidan tergovga qadar tekshiruv o‘tkazilgan. Unda fuqaro S.Sh. boshqa bir fuqaro R.ning o‘qishini O‘sh texnologiya universitetidan Farg‘ona politexnika institutiga ko‘chirib berishini aytgani aniqlangan. Evaziga olgan 14 million so‘m hisobidan ixtiyoriy taqdim qilgan 200 dollar ashyoviy dalil tariqasida olingan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)