Surxondaryoning Boysun tumanida sug‘oriladigan yer maydonlarini o‘zboshimchalik bilan egallab olish holatlari aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Bosh prokuratura huzuridagi departamentning Boysun tumani bo‘limi tomonidan tergovga qadar tekshiruv o‘tkazilgan. Unda fuqaro G‘.A. tumanning “Xo‘jabulg‘on” mahallasida joylashgan tuman hokimligi zaxirasidagi sug‘oriladigan yer maydonining 20 sotix qismini noqonuniy egallab, qurilish ishlarini amalga oshirayotgani aniqlangan.
Shu kabi holat Qashqadaryoning Ko‘kdala tumanida ham aniqlangan. O‘tkazilgan tergovga qadar tekshiruvda fuqaro B.X. “B.M.” fermer xo‘jaligiga qarashli 30 sotix sug‘oriladigan yer maydonini o‘zboshimchalik bilan egallab, qurilish ishlarini amalga oshirayotgani ma’lum bo‘lgan.
Mazkur holatlar yuzasidan Jinoyat kodeksining 229-1-moddasi (yer uchastkalarini o‘zboshimchalik bilan egallab olish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)