Filippinning Keson shahridagi Ateneo de Manila universiteti kampusida sodir bo‘lgan otishmada uch kishi halok bo‘ldi, bir kishi yaralandi. Bu haqda ABS CBN nashri politsiya boshlig‘i Remus Medinaga tayanib xabar berdi.
Nashr manbalarining ma’lum qilishicha, qurollangan noma’lum shaxs yuridik fakultetning bitiruv marosimi vaqtida otishma sodir etgan. Marosimga oliy sudya Aleksandr Jesmundon ham taklif etilgandi, hodisa paytida sudya hali yo‘lda bo‘lgan.
“Otishmada Basilan provinsiyasidagi Lamitan shahrining sobiq meri Rouz Furigey va uning yordamchisi Viktor Kapistrano halok bo‘lgan. Qurbonlar orasida qo‘riqchi ham bor”, — degan politsiya boshlig‘i. Sobiq merning qizi, huquqshunoslik fakulteti bitiruvchisi Xanna Rouz esa yaralangan.
Hujumchining shaxsi hozircha noma’lum, politsiya uni hibsga olgan. Voqea joyiga Milliy tergov byurosining bir guruh xodimlari jo‘nab ketgan.
19-iyul kuni Parij sharqidagi barda otishma sodir bo‘lgan edi. Ikki hujumchi kechqurun barga kelib, terassada o‘tirgan mehmonlarga qarata o‘q uzgan. Bir kishi halok bo‘lgan, yana to‘rt kishi yaralangan.
Izoh (0)