Niderlandiyaning Rotterdam shahri porti Rossiyaga va Rossiyadan konteyner tashishni to‘xtatishga qaror qildi. Bu haqda juma kuni port saytida xabar berilgan.
Rossiyaga va Rossiyadan konteyner tashish to‘xtadi, global konteyner logistikasidagi doimiy to‘siqlar tovarlarning yirik konteyner portlaridan kichikroq portlarga o‘tishiga olib keldi. So‘nggi oylarda ko‘mir va neftga nisbatan sanksiyalar fonida Rossiya ko‘miri, neft va neft mahsulotlari hamda suyultirilgan gaz (LNG) kamroq import qilindi. Borgan sari kompaniyalar bu mahsulotlarni boshqa mamlakatlardan sotib olmoqda, — deyiladi xabarda.Port ma’muriyati konteyner tashish Rossiyaga qarshi sanksiyalar va shu bilan bog‘liq noaniqliklar fonida amalga oshirilmayotganini ma’lum qildi.
Ukrainadagi urush ko‘p nuqtalarda sezilarli o‘zgarishlarga olib kelgan. Masalan, Yevropada Rossiya gazining quvurlar orqali importini kamaytirish muqobili sifatida, LNG va ko‘mir sotib olinishi keskin o‘sdi. Neftni qayta yuklash hajmi esa oshgan, ayni paytda neft mahsulotlari kamaydi, — deyiladi bayonotda.Reuters xabariga ko‘ra, Ukrainadagi mojaro va sanksiyalar tufayli birinchi yarim yillikda portning yuk aylanmasi 1,5 foizga qisqargan. Rossiyadan jo‘natilayotgan yuklar qanchaga kamayganini aytishga hali erta, biroq hozirda “ayrim kompaniyalarning Rossiya bilan deyarli barcha sohalarda biznes yuritmaslik haqidagi sanksiyalari va qarorlari ta’sirini ko‘rish mumkin”, — dedi port vakili.
Agentlik ma’lumotlariga ko’ra, 2021-yilda Rotterdamga kiruvchi neft umumiy hajmining 30 foizi Rossiyadan kelgan, rus gazi esa barcha importning 25 foizini, ko‘mir esa 20 foizini tashkil qilgan.
Mavzuga doir: Rossiya Yevropa Kengashi kelishuvlaridagi ishtirokini to‘xtatdi
Izoh (0)