Shavkat Mirziyoyev 21-iyul kuni Qirg‘izistonda bo‘lib o‘tayotgan Markaziy Osiyo davlatlari rahbarlarining to‘rtinchi Maslahat uchrashuvida Qoraqalpog‘istonda sodir bo‘lgan voqealar haqida gapirdi. Bu haqda prezident matbuot kotibi xabar berdi.
Davlat rahbarining so‘zlariga ko‘ra, mintaqaviy hamkorlikning strategik yo‘nalishi xavfsizlik sohasi hisoblanadi. Mintaqa xavfsizligi, eng avvalo, hamkorlik qanchalik samarali yo‘lga qo‘yilganiga bog‘liq.
Bu borada ekstremizm va terrorizm tahdidlari, uyushgan jinoyatchilik va narkotik moddalarning noqonuniy aylanishiga qarshi kurashishda amaliy hamkorlikni yanada rivojlantirishimiz zarur. Bizning asosiy e’tiborimiz Internetdagi noqonuniy faoliyatning yangi muammolariga qaratilgan. Bugungi kunda bu tahdidlarning chegarasi yo‘q — ular mobil telefonlar orqali kirib boradi, — dedi Mirziyoyev.Prezident O‘zbekistonda, xususan, Qoraqalpog‘istonda so‘nggi paytlarda ro‘y bergan fojiali voqealar mamkalat rejalarini buzishga, mintaqaga tartibsizlik va beqarorlik urug‘larini sepishga urinayotgan buzg‘unchi kuchlar mavjudligini yana bir bor tasdiqlaganini aytib o‘tdi.
Shavkat Mirziyoyev shu munosabat bilan mintaqa davlatlarining xavfsizlik kengashlari va maxsus xizmatlari rahbarlarining ushbu sohalar bo‘yicha muntazam maslahatlashuvlarini yo‘lga qo‘yish taklifini qo‘llab-quvvatlashini ma’lum qildi.
Izoh (0)