Навоий вилояти давлат солиқ бошқармасида ходимлар иш вақти бошланишидан 2 соат аввал ишга чақирилгани айтилганди. Меҳнат вазирлиги бу бўйича ўрганиш олиб бориб, натижасини эълон қилди.
Навоий шаҳри давлат меҳнат инспекцияси ижтимоий тармоқларда «Биз ҳам одамми?! Қул бўлсак керак, деб ўйлайман!» номли хабар юзасидан вилоят давлат солиқ бошқармасида ўрганиш ўтказган.
Ушбу муассасада фаолият юритаётган ишчилар ва Касаба уюшмаси қўмитаси раиси маълумотномасига кўра, ходимлар иш вақтидан ташқари ҳамда дам олиш кунлари ишга жалб этилмагани маълум бўлди. Шунингдек, вилоят солиқ бошқармаси раҳбарларига ходимларни иш вақтидан ташқари ишга жалб этиш тартиби бўйича тушунтиришлар берилди.
Изоҳ (0)