XVII asrga oid me’moriy durdona sifatida e’tirof etilgan Eron masjidi ta’mirlash ishlari davomida shikastlangan. Bu haqda rasmiylarga tayanib, BBC xabar bermoqda.
Isfahondagi Shoh masjidi Erondagi eng go‘zal masjid hisoblanadi va Birlashgan Millatlar Tashkilotining Jahon merosi ro‘yxatiga kiritilgan.
Ammo so‘nggi suratlarda uning o‘ziga xos gul naqshlari bir tomoni notekis ko‘rinadi hamda bir-biriga mos kelmaydi.
Rasmiylar kamchiliklarni tan oldi va ularni bartaraf etish mumkinligini aytdi. “Ish hali tugallanmagan”, — dedi ta’mirlash ishlari vakili Mehdi Pakdel.
Pakdel ushbu holatni iskala va gumbazning 54 metr balandligiga bog‘liq muammolar bilan izohladi.
Ushbu masjid Erondagi uchinchi yirik shahar Isfahonning oltin davrida qurilgan. U yorqin ko‘k va sariq naqshli koshinlari bilan ham Erondagi ham xorijdagi musulmonlar va sayyohlarni o‘ziga jalb qiladi.
“Nazoratchilar va ta’mirlovchilar gumbazning ayniqsa, yuqori qismi zararlanganini payqadi”, — dedi shahar merosi rahbari Alirizo Izadiy davlat matbuotiga.
“Biz gumbaz ustiga yopiladigan sopollarni almashtirmoqchimiz, chunki iskala og‘irligi ularning chetiga zarar yetkazgan”, — deya qo‘shimcha qildi rasmiy.
Mavzuga doir: Eronda Mirzo Ulug‘bek va Alisher Navoiy bitiklari aniqlandi
Izoh (0)