Raketa zarbalaridan vayron bo‘lgan Rubejnoye, Zaporojyeda yonayotgan bug‘doy dalalari. Urushning 145-kunidan fotoreportaj
26837
18-iyul kuni Lugansk xalq respublikasi hukumati Donetsk viloyatidagi Seversk shahrini nazoratga olganini e’lon qildi. Rossiya qo‘shinlari Ukraina shaharlari – Xarkov, Donbass shimoli va boshqalarni o‘qqa tutishda davom etmoqda. Xarkovning turar joy binolaridagi kvartiralar vayron bo‘ldi — odamlar ulardan qolgan narsalarni o‘zlari tuzatishga harakat qilmoqda. Donbass shimolida Rubijnoye shahri raketa zarbalaridan vayron bo‘ldi; Chasiv Yar aholisi yerto‘lalarda yashashga majbur bo‘lmoqda. Zaporojye viloyatida Rossiya 18-iyul kuni bug‘doy maydonlarini o‘qqa tutdi. Conflict Intelligence Team xabariga ko‘ra, jang qilishdan bosh tortgan shartnoma asosida xizmat qiluvchi rossiyalik harbiy xizmatchilar Ukraina bilan chegaraga qo‘riqchilar bilan olib kelinmoqda. Rossiyada urushga qarshi namoyishlar va internetda urushni tanqid qilishlar sababli 200 ta jinoiy ish ochilgan. Meduza urushning 145-kuniga oid asosiy fotosuratlarni taqdim etdi.
Xarkov
18-iyulga o‘tar kechasi rossiyaliklarning artilleriya zarbasidan shikastlangan turar joy binosidagi kvartira. Hujumda qurbonlar qayd etilmagan.Foto: Reuters
Xarkovliklar Pyatixatki mikrorayoni bo‘ylab berilgan raketa zarbasidan keyin balkonni ta’mirlamoqda. Hujum oqibatida derazalar singan, turar joy binosining ikki qavati va qo‘shni bino tomi, shuningdek hovlidagi ikki avtomobil ham shikastlangan.Foto: EPA
Donbass shimoli
Lugansk viloyatining Rubejnoye shahri ko‘chasida yonib ketgan tank yonidan velosipedda o‘tayotgan kishi. Rubejnoye Rossiya qurolli kuchlari tomonidan egallangan, ular iyun oyi oxirida ushbu shaharni ham o‘z ichiga oluvchi aglomeratsiyaga kirdi.Foto: “TASS”
Rubejnoyelik kishi otishmalardan zararlagan uyda ovqat pishirmoqda. Rossiya bosqiniga qadar bu yerda 60 mingdan ortiq kishi yashagan, hozirda shahar vayron bo‘lganFoto: “TASS”
Rubejnoyelik yarador kishiFoto: “TASS”
Chasov Yar shahridagi ko‘p qavatli uyning yerto‘lasida yashovchi ayol Rossiyaning raketa hujumi oqibatida yaralangan erini parvarish qilmoqda. Oilaning kvartirasi vayron bo‘lgan. Shahar o‘qqa tutilganidan so‘ng o‘nlab odamlar vayronalar ostida qolgan. Rossiya Mudofaa vazirligi esa “millatchilar”ga zarba berilganini da’vo qildi.Foto: Anadolu
Kramatorskdagi Tinchlik maydoni. Mahalliy aholi vakili otishmalar oqibatlarini suratga olmoqda. 19-iyul kuni shahar meri Oleksandr Goncharenko zavodlarga raketa zarbalari yo‘llangani, rossiyalik harbiylar infratuzilmalarni yo‘q qilayotganini aytdi.Foto: Anadolu
