O‘zbekiston og‘ir atletika bo‘yicha 2024-yilgi Osiyo chempionatiga mezbonlik qiladi. Bu haqda Milliy Olimpiya qo‘mitasi matbuot xizmati ma’lum qildi.
Toshkentda o‘tkazilgan Xalqaro og‘ir atletika federatsiyasining (IWF) kongressida bu haqda ma’lum qilingan. Mazkur musobaqada Parij—2024 Olimpiya o‘yinlari uchun ochkolar o‘ynaladi.
O‘zbekistondan tashqari Hindiston va Turkmaniston qit’a birinchiligini o‘zida o‘tkazish uchun ariza topshirgandi. Yakunda mezbonlik Toshkent shahriga berilgan.
2024-yilda bo‘lib o‘tadigan musobaqaning sanasi va taqvimi keyinroq e’lon qilinadi.
Izoh (0)