Oston O‘runov “Spartak”dan kam maosh to‘laydigan jamoaga o‘tmoqchi emas

Moskvaning “Spartak” klubi futbolchisi Oston O‘runov bilan bog‘liq holat hamon yechimini topmadi.

Metaratings xabariga ko‘ra, o‘zbekistonlik yarim himoyachi borasida 3-4 ta taklif bor. Biroq 21 yoshli Oston yangi jamoasidagi maoshi “Spartak”da olayotganidan kam bo‘lishini istamayapti.

“Spartak” O‘runovni ijaraga bergan taqdirda uning maoshini to‘liq qoplash niyatida emas, qiziqish bildirgan jamoalar esa futbolchining moliyaviy shartlarini qanoatlantirishga tayyor emas.

Shu sabab “qizil-oqlar” futbolchini ijaraga berishni emas, sotib yuborishni ma’qul ko‘rmoqda.

Avvalroq O‘runovga “Torpedo” va “Ximki” klublaridan taklif borligi xabar qilingandi.

Oston o‘tgan mavsumni “Ufa”da ijarada o‘tkazdi. Uning “Spartak” bilan amaldagi shartnomasi 2025-yilning yoziga qadar mo‘ljallangan.