Shavkat Mirziyoyev raisligida 18-iyul o‘tkazilgan yig‘ilishida don mahsulotlarini birjaga qo‘yish, iste’molchilarga yetkazish va saqlash masalalariga to‘xtalib o‘tildi. Bu haqda prezident matbuot kotibi xabar qildi.
Qayd etilishicha, 2022-yilda g‘allani yetishtirish va xarid qilishni moliyalashtirish bo‘yicha yangi tizim yaratilgan. Fermerlarga jozibador narxlar taklif etilgani o‘z natijasini bergan. Iyulda birjaga 88 ming tonna bug‘doy chiqarilgani hisobiga 1 tonna bug‘doyning o‘rtacha narxi 30 foizga arzonlashgan. Davlat resursiga 1 million 842 ming tonna don xarid qilingan hamda fermer va klasterlar tomonidan don korxonalariga 574 ming tonna g‘alla saqlash uchun qo‘yilgan.
Mutasaddilarga viloyat hokimlari bilan birga:
- har kuni birjaga kamida 10 ming tonnadan don chiqarib borish;
- 1-oktabrgacha saqlash uchun qabul qilingan g‘allaning birjaga chiqarilishi hamda fermer va klasterlar bilan to‘liq hisob-kitob qilinishini tashkil etish topshirilgan.
- bug‘doy hosilini to‘liq yig‘ib-terib olish va omborlarga yo‘qotishlarsiz joylashtirishi;
- bug‘doyni birjaga o‘z vaqtida va to‘liq chiqarishi;
- hududidagi un va non mahsulotlariga bo‘lgan talabni vaqtida va to‘liq qondirishi shartligi ko‘rsatib o‘tilgan.
Izoh (0)