17-iyul sanasida dunyoning ko‘plab davlatlarida anomal issiq havo kuzatildi. Xususan, mahalliy vaqt bilan soat 17:00 da Eron, Iroq va Kuvaytning bir nechta kuzatuv punktlarida havo harorati qariyib +50 daraja issiq bo‘ldi.
Iqlimshunos Erkin Abdulahatov holatga izoh berdi.
“Osiyo depressiyasi” deb ataluvchi bu past bosimli issiq havo sohasi chet qismi keyinroq O‘zbekistonni ham “bosib o‘tadi”, – deya Telegram'dagi kanalida ma’lum qildi u.
O‘zbekistonning Navoiy cho‘llari va Surxondaryo viloyati janubida ham havo harorati maksimumlari kuzatilib, harorat qariyb +45 darajaga yaqinlashdi.
“O‘zgidrometning'data.meteo.uz' portaliga ko‘ra, mahalliy vaqt soat 15:40 da “Termiz” kuzatuv stansiyasida, 16:10 da “Bazaubay” kuzatuv stansiyasida havo harorati maksimumi +45 darajaga yetdi”, – deya yozdi Erkin Abdulahatov.
Avvalroq “O‘zgidromet” kelayotgan hafta boshida qanday ob-havo bo‘lishini ma’lum qilgandi. Unga ko‘ra, ko‘plab viloyatlarda havo haroarti kunduzi 40-45 daraja bo‘lishi bildirilgan.
Izoh (0)