O‘zbekistondan Rossiya Federatsiyasining Moskva, Qozon va Sankt-Peterburg shaharlariga muntazam avtobus qatnovlari 18-iyuldan qayta tiklanmoqda, deb xabar beradi Transport vazirligi.
Qayd etilishicha, mazkur yo‘nalishlarda qatnovlar Uzautotrans service MCHJ korxonasining Yutong rusumli avtobuslarida amalga oshiriladi.
18-iyuldan boshlab, haftaning dushanba va payshanba kunlari “Toshkent” avtovokzalidan soat 12:00 da Toshkent—Moskva yo‘nalishida qatnovlar amalga oshiriladi. Mazkur yo‘nalishda chipta narxi — 1 million so‘m;
Toshkent—Qozon yo‘nalishida qatnovlar haftaning seshanba va juma kunlari bajariladi. Avtobuslar “Toshkent” avtovokzalidan soat 11:00 da harakatlanishni boshlaydi. Chipta narxi — 800 ming so‘m;
Toshkent—Sankt-Peterburg yo‘nalishida qatnovlar haftaning chorshanba va shanba kunlari bajariladi. Avtobuslar “Toshkent” avtovokzalidan soat 16:00 da yo‘nalish bo‘ylab harakatlanishni boshlaydi. Chipta narxi — 1 million 250 ming so‘m.
Avvalroq Toshkent shahridan qo‘shni davlatlardagi bir qancha viloyatlarga xalqaro reys 11-apreldan tajriba sifatida yo‘lga qo‘yilgandi. Xususan, “Toshkent” avtovokzalidan Toshkent—Qizil O‘rda yo‘nalishiga soat 17:00 dan, Toshkent—Olmaota yo‘nalishiga soat 18:00 dan tajriba sifatida reyslar ochilgan. 15-apreldan esa Toshkent—Bishkek yo‘nalishida avtobus qatnovlari qayta yo‘lga qo‘yilgan.
Izoh (0)