Osiyo Futbol Konfederatsiyasi (OFK) tashkilotga a’zo to‘rtta assotsiatsiyadan Osiyo Kubogi—2023 musobaqasi mezbonligi uchun bildirishnoma oldi. Bu haqida OFK rasmiy sayti ma’lum qildi.
Avstraliya, Indoneziya, Janubiy Koreya va Qatar Osiyo Kubogi musobaqasiga mezbonlik qilish taklifini bergan. Osiyo Kubogi—2023 ga mezbonlik qilish bo‘yicha hujjatlarni taqdim etish 17-iyundan boshlab 31-avgustga qadar davom etadi.
2022-yil 17-oktabr sanasida OFK Ijroiya qo‘mitasi tomonidan 24 jamoa ishtirok etadigan musobaqa mezboni nomi e’lon qilinadi.
Eslatib o‘tamiz, Osiyo Kubogi—2023 musobaqasi Xitoyda bo‘lib o‘tishi ko‘zda tutilgan edi. Ammo mamlakatdagi COVID-19 pandemiyasi sabab OFK musobaqa Xitoyda o‘tkazilmasligini ma’lum qilgandi.
Musobaqa 2023-yilning 16-iyundan 16-iyuliga qadar davom etadi.
Izoh (0)