Meksika shimolidagi Sinaloa shtatida Meksika harbiy-dengiz kuchlariga qarashli Black Hawk vertolyoti qulab tushdi. Oqibatda 14 kishi halok bo‘ldi, deb xabar bermoqda OAV mamlakat harbiy-dengiz kuchlariga tayanib.
Halokat sabablari o‘rganish bo‘yicha surishtiruv ishlari boshlandi.
Harbiy-dengiz kuchlari hisobotida ta’kidlanishicha, baxtsiz hodisa narkobaron Rafael Karo Kinteroning 15-iyul kuni xuddi shu provinsiyada hibsga olinishi bilan bog‘liq emas.
Meksika harbiy-dengiz kuchlari 1985-yilda AQSHning giyohvand moddalar agentini o‘ldirganlikda ayblanib, ozodlikka chiqqanidan keyin qochib ketgan Kinteroni qo‘lga olganini ma’lum qildi. Narkobaronning hibsga olinishi dengiz floti xabarida “Meksika va Amerika huquq-tartibot idoralarining yirik g‘alabasi natijasi” deb ataladi.
OAV meksikalik rasmiyga tayanib, Kintero Qo‘shma Shtatlar bosimi ostida hibsga olinganini aytdi.
Izoh (0)