Мексика шимолидаги Синалоа штатида Мексика ҳарбий-денгиз кучларига қарашли Black Hawk вертолёти қулаб тушди. Оқибатда 14 киши ҳалок бўлди, деб хабар бермоқда ОАВ мамлакат ҳарбий-денгиз кучларига таяниб.
Ҳалокат сабаблари ўрганиш бўйича суриштирув ишлари бошланди.
Ҳарбий-денгиз кучлари ҳисоботида таъкидланишича, бахтсиз ҳодиса наркобарон Рафаэл Каро Кинтеронинг 15 июль куни худди шу провинцияда ҳибсга олиниши билан боғлиқ эмас.
Мексика ҳарбий-денгиз кучлари 1985 йилда АҚШнинг гиёҳванд моддалар агентини ўлдирганликда айбланиб, озодликка чиққанидан кейин қочиб кетган Кинтерони қўлга олганини маълум қилди. Наркобароннинг ҳибсга олиниши денгиз флоти хабарида «Мексика ва Америка ҳуқуқ-тартибот идораларининг йирик ғалабаси натижаси» деб аталади.
ОАВ мексикалик расмийга таяниб, Кинтеро Қўшма Штатлар босими остида ҳибсга олинганини айтди.
Изоҳ (0)