Joriy yilning 28-iyun kuni AQSHning Ogayo shtati Akron shahrida politsiya qora tanli erkakni qo‘lga olish jarayonida unga qarata o‘t ochgan va erkak vafot etgandi.
Keyinroq o‘ldirilgan erkak 25 yoshli Jeyland Uoker ekani ma’lum qilingandi.
Tibbiy ekspertiza Uokerning tanasida 46 ta o‘q jarohatini aniqlagan. U aynan qaysi o‘qdan o‘lgani va bu oq qaysi politsiyachiga tegishli ekanini aniqlashning imkoni yo‘q.
Rasmiylar Jeyland Uoker politsiyadan qochish davomida ularga qarata bir marta o‘q uzganini ma’lum qilishgandi. Tekshiruvlar davomida Uokerning avtomashinasidan qurol va bir dona gilza topilgan.
Mazkur voqea Akron shahrida yana norozilik namoyishlari boshlanishiga turtki berdi. Qora tanlilarning hayotlari qadrli ekani aks etgan yozuvlar ko‘targan aholi vakillari ko‘chalarga chiqishmoqda.
Rasmiylar norozilik namoyishlari fonida juma kuni kechqurun Akron shahrida komendantlik soati e’lon qilishdi.
Izoh (0)