Robert Levandovski ketma-ket uchinchi kun “Bavariya”ning mashg‘ulotlariga kechikib keldi.
33 yoshli hujumchi mashg‘ulotlar bazasiga 9:08 da yetib keldi. Myunxenliklar futbolchilarni soat 9 dan kechikmasdan kelishni talab qilgan.
Xabarga ko‘ra, Myunxen klubi muxlislari jamoa mashg‘ulotlar bazasi atrofida yig‘ilib, Robertni kutib olmoqda.
8 daqiqalik kechikish Levandovski uchun rekord hisoblanadi. Dastlabki kun 6 daqiqa kechikkan bo‘lsa, ikkinchi kun 2 daqiqaga kech qolgandi.
16-iyul kuni “Bavariya” “Alyans Arena”da jamoa taqdimot marosimini o‘tkazadi. Hozircha polshalik futbolchi unda qatnashishi so‘roq ostida.
33 yoshli Levandovski may oyidan buyon o‘zining ketish istagini ochiqchasiga ko‘rsatib kelmoqda. Ammo Myunxen klubi uni qo‘yib yuborishni xohlamayapti.
Robert ortda qolgan mavsum Bundesligada 34 ta o‘yinda maydonga tushib, 35 ta golga mualliflik qildi.
Izoh (0)