Роберт Левандовски кетма-кет учинчи кун «Бавария»нинг машғулотларига кечикиб келди.
33 ёшли ҳужумчи машғулотлар базасига 9:08 да етиб келди. Мюнхенликлар футболчиларни соат 9 дан кечикмасдан келишни талаб қилган.
Хабарга кўра, Мюнхен клуби мухлислари жамоа машғулотлар базаси атрофида йиғилиб, Робертни кутиб олмоқда.
8 дақиқалик кечикиш Левандовски учун рекорд ҳисобланади. Дастлабки кун 6 дақиқа кечиккан бўлса, иккинчи кун 2 дақиқага кеч қолганди.
16 июль куни «Бавария» «Альянц Арена»да жамоа тақдимот маросимини ўтказади. Ҳозирча польшалик футболчи унда қатнашиши сўроқ остида.
33 ёшли Левандовски май ойидан буён ўзининг кетиш истагини очиқчасига кўрсатиб келмоқда. Аммо Мюнхен клуби уни қўйиб юборишни хоҳламаяпти.
Роберт ортда қолган мавсум Бундеслигада 34 та ўйинда майдонга тушиб, 35 та голга муаллифлик қилди.
Изоҳ (0)