O‘zbekiston milliy terma jamoasi va “Navbahor” himoyachisi Rustam Ashurmatov faoliyatini Rossiya chempionatida davom ettirishi mumkin.
Metaratings nashrining yozishicha, “Rubin” Ashurmatovga qiziqish bildirmoqda. Rustamga da’vogarlik qilayotganlar ro‘yxatida Rossiyaning boshqa klublari ham bor, ammo futbolchi uchun kurashda “Rubin” favorit hisoblanadi.
Ma’lumot uchun, 26 yoshli Rustam Ashurmatov O‘zbekiston terma jamoasida 19 ta o‘yin o‘tkazgan. U bungacha “Bunyodkor”, shuningdek, Koreyaning “Kvanju” va “Kanvon” klublari sharafini himoya qilgan. Transfermarkt portali futbolchini 750 ming yevroga baholagan.
Avvalroq “Rubin”ning o‘zbekistonlik yana bir futbolchi – “Bunyodkor”ning 18 yoshli yarim himoyachisi Umarali Rahmonaliyevga qiziqish bildirayotgani haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)