“Manchester Yunayted” hujumchisi Krishtianu Ronaldu faoliyatini Ispaniya yoki Germaniyada davom ettirishi mumkin.
ESPN nashrining yozishicha, portugaliyalik futbolchiga “Bavariya” va “Atletiko” hamon qiziqish bildirmoqda.
Rahim Sterling transferini e’lon qilgan “Chelsi” Ronaldu uchun kurashdan chiqdi.
Avvalroq Krishtianu Saudiya Arabistoni jamoasining 275 millionlik taklifini rad etgani xabar qilingandi.
Ma’lumot uchun, Ronaldu oilaviy sabablarga ko‘ra “Manchester Yunayted”dan qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)