Krishtianu Ronaldu “Manchester Yunayted” formasida mashg‘ulot o‘tayotgani rasmini ijtimoiy tarmoqqa joyladi

Krishtianu Ronaldu Instagram sahifasiga trenajor zalida shug‘ullanayotgani tasvirlangan rasmni e’lon qildi.

Suratda 37 yoshli hujumchi “Manchester Yunayted” libosi bo‘lmish qora, ko‘k va sariq ranglar tasvirlangan kiyimda o‘tirgan holda mashqni bajarayotgani ko‘rsatilgan.

“Og‘ir mehnat”, — deb yozgan futbolchi surat izohiga.

Eslatib o‘tamiz, Ronalduning Nike bilan shaxsiy shartnomasi bor, Adidas esa “Manchester Yunayted” liboslarini tayyorlaydi.

Avvalroq Krishtianu Saudiya Arabistoni jamoasining 275 millionlik taklifini rad etgani xabar qilingandi.

Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.