Ijtimoiy tarmoqlarda Sardoba tumanidagi mahallada A.22.0 kasalligi qayd qilingani sababli uning keng tarqalib ketishining oldini olish maqsadida 18-iyulga qadar karantin e’lon qilingani haqida xabarlar tarqaldi. Holat yuzasidan Sirdaryo viloyati Sanitariya-epidemiologik osoyishtalik va jamoat salomatligi boshqarmasi ma’lumot berdi.
Qayd etilishicha, xalqaro kasalliklar klassifikatsiyasi (MKV-10) bo‘yicha A-22 kasalligi bilan Sardoba tuman “Zomin” MFY Xovotog‘ aholi yashash punktida yashovchi fuqaro B.A.da aniqlangan.
O‘z o‘rnida ushbu kasallik odamdan odamga yuqmasligi bilan ajralib turadi. Kasallik faqat, kasallik bilan kasallangan yirik va mayda shoxli qoramollarni so‘yish jarayonida hamda xom go‘sht bilan muloqot jarayonida odamga yuqadi.
“Hozirda Sardoba tuman ‘Zomin’ MFY hududidagi barcha yirik va mayda shoxli mollar kasallikka qarshi veterinariya xodimlari tomonidan emlash ishlari olib borildi. Yuqoridagi kasallikda karantin faqatgina yirik va mayda shoxli qora mollarga tatbiq qilinadi. Hozirda epidemiologik vaziyat barqaror xavotirga o‘rin yo‘q”, — deyiladi xabarda.
Izoh (0)