“Manchester Yunayted” bosh murabbiyi Erik ten Hag Krishtianu Ronalduning kelajagi borasidagi savollarga javob berdi.
Mankunianliklar mavsumoldi turne uchun Melburnga jo‘nab ketdi. Ronaldu shaxsiy sabablarga ko‘ra jamoaga qo‘shila olmadi.
37 yoshli futbolchi haqidagi savollarga ten Hag: “Biz bayonot berganmiz. Shundan buyon hech narsa o‘zgarmadi”, — deya javob qaytardi.
Ma’lumot uchun, Ronaldu oilaviy sabablarga ko‘ra qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)