«Манчестер Юнайтед» бош мураббийи Эрик тен Ҳаг Криштиану Роналдунинг келажаги борасидаги саволларга жавоб берди.

Манкунианликлар мавсумолди турне учун Мелбурнга жўнаб кетди. Роналду шахсий сабабларга кўра жамоага қўшила олмади.

37 ёшли футболчи ҳақидаги саволларга тен Ҳаг: «Биз баёнот берганмиз. Шундан буён ҳеч нарса ўзгармади», — дея жавоб қайтарди.

Маълумот учун, Роналду оилавий сабабларга кўра қўшимча таътил олган. У қаторасига тўрт марта машғулотларни ўтказиб юборди. Криштианунинг «Манчестер Юнайтед» машғулотларига қачон қўшилиши номаълум.

Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.