Luis Suares “Milan” bilan shartnoma tuzishga yaqin. “Monsa” ham futbolchi uchun kurashga qo‘shilgan

“Barselona” va “Atletiko” sobiq hujumchisi Luis Suares faoliyatini Italiyada davom ettirishi mumkin.

35 yoshli hujumchi “Milan” bilan shartnoma tuzishga yaqin. Urugvaylik uchun “Monsa” ham kurashga qo‘shildi.

Italiya klublari Suaresga yiliga 4 million yevro maosh va’da qilmoqda, deya xabar beradi AS.

Agent Marko Kirdemir Luisning kelajagi haqida gapirdi: “Suares uchun takliflarni ko‘rib chiqyapman va doimo u bilan aloqada bo‘lib turibman. Shuning uchun u qanday takliflar olayotganidan xabarim bor. ‘Fenerbahche’ to‘g‘ridan-to‘g‘ri futbolchining o‘ziga aloqaga chiqib, 6 million yevro maosh va’da qilgan. Ammo Luis uni rad etgan.

U Italiyada o‘ynamoqchi.  A Seriyadan 2 ta taklif bor, biri “Monsa”dan. Klub Suaresga yiliga 4 million yevro bermoqchi. Ammo uning imij huquqlari qimmat turadi, shuning uchun maosh ham baland bo‘lishi zarur”.

“Milan”ning sobiq xo‘jayini Silvio Berluskoni 2018-yildan buyon “Monsa”ga egalik qiladi.

Suares mavsum so‘ngida erkin agent sifatida “Atletiko”ni tark etdi.

Ma’lumot uchun, 35 yoshli hujumchi 2021/22-yilgi mavsumda barcha musobaqalar doirasida 45 ta o‘yin o‘tkazib, 13 ta gol va 2 ta golli uzatmaga mualliflik qildi.