Tojikistonda IMEI-kodlarni ro‘yxatga kiritish boshlandi, deb xabar beradi Asia Plus o‘z Telegram-kanalida.
“Ro‘yxatga olish bilan Net Solutions mahalliy kompaniyasi shug‘ullanadi. Zarur uskunalar allaqachon mobil operatorlar tizimiga o‘rnatilgan va ro‘yxatga kiritish boshlab yuborilgan. Ayni paytda SIM-kartalarni ID-pasportlarga qaytadan ro‘yxatga kiritishdan o‘tgan abonentlarning IMEI-kodlari avtomatik tartibda ro‘yxatga olinmoqda”, — dedi Tojikiston Aloqa xizmati rahbari o‘rinbosari Ilhom Atoyev.
SIM-karta va internet yordamida ishlaydigan barcha elektron qurilmalar IMEI-kodlari ro‘yxatdan o‘tishi kerak.
Eslatib o‘tamiz, O‘zbekistondagi mobil telefonlar maxsus IMEI kodi bo‘yicha ro‘yxatga olinishi tartibi 2019-yil 1-apreldan joriy etilgan. 2020-yil 22-sentabr kuni mobil qurilmalarning IMEI kodlarini ro‘yxatdan o‘tkazish tizimi ma’muriyati tomonidan mobil qurilmalarni UzIMEI tizimida ro‘yxatdan o‘tkazish jarayoniga o‘zgartirish kiritilgan, unga ko‘ra, qurilmaning IMEI kodini/kodlarini ro‘yxatdan o‘tkazishda jismoniy shaxslar tomonidan foydalaniladigan abonent raqami mahalliy mobil operatorlaridan ariza beruvchi nomiga rasmiylashtirilgan bo‘lishi kerakligi belgilangandi.
Izoh (0)