Amerikalik tadbirkor, Tesla va SpaceX asoschisi Ilon Mask AQSH rasmiylaridan yordam so‘ragan. Bu haqda AQSH sobiq prezidenti, Respublikachilar partiyasidan nomzod Donald Tramp Truth Social ijtimoiy tarmog‘ida yozdi.
“Ilon Mask Oq uyga kelib, mendan subsidiyalangan barcha loyihalarida yordam berishimni so‘raganida.. va u Tramp hamda respublikachilarning ashaddiy muxlisi ekanligini aytganida, men unga tiz cho‘kib, yolvoring, deyishim mumkin edi, u buni qilgan bo‘lardi”, — deb yozgan Tramp.
Tramp Maskning “karyerangizni tugatib, nafaqaga chiqing” degan mazmundagi chaqirig‘iga shu tarzda javob berdi.
Avvalroq Mask u hech qachon respublikachiga ovoz bermagani, biroq o‘tgan oy birinchi marta shunday qilgani haqida gapirgandi. Amerikalik biznesmen, shuningdek, Trampga 2024-yilda navbatdagi prezidentlik muddatiga nomzodini qo‘yish uchun “qarib qolgani”ni aytgan.
May oyida Mask Demokratik partiyaga ovoz berishni to‘xtatishini va respublikachilarni qo‘llab-quvvatlashini aytdi, chunki demokratlar uning nuqtai nazari bo‘yicha “bo‘linish va nafrat partiyasi”ga aylangan.
Tramp hozir 76 yoshda. 2017-yilda lavozimga kirishganida u 70 yoshda edi va bu uni AQSH tarixidagi eng keksa prezidentga aylantirgan. 2024-yilga kelib, navbatdagi prezidentlik saylovlari vaqtida Tramp 78 yoshga to‘ladi. Siyosatchi yana prezidentlik uchun nomzodini qo‘yishi mumkinligini tan olgan.
Izoh (0)