Тожикистонда IMEI-кодларни рўйхатга киритиш бошланди, деб хабар беради Asia Plus ўз Telegram-каналида.
«Рўйхатга олиш билан Net Solutions маҳаллий компанияси шуғулланади. Зарур ускуналар аллақачон мобил операторлар тизимига ўрнатилган ва рўйхатга киритиш бошлаб юборилган. Айни пайтда SIM-карталарни ID-паспортларга қайтадан рўйхатга киритишдан ўтган абонентларнинг IMEI-кодлари автоматик тартибда рўйхатга олинмоқда», — деди Тожикистон Алоқа хизмати раҳбари ўринбосари Илҳом Атоев.
SIM-карта ва интернет ёрдамида ишлайдиган барча электрон қурилмалар IMEI-кодлари рўйхатдан ўтиши керак.
Эслатиб ўтамиз, Ўзбекистондаги мобил телефонлар махсус IMEI коди бўйича рўйхатга олиниши тартиби 2019 йил 1 апрелдан жорий этилган. 2020 йил 22 сентябрь куни мобил қурилмаларнинг IMEI кодларини рўйхатдан ўтказиш тизими маъмурияти томонидан мобил қурилмаларни UzIMEI тизимида рўйхатдан ўтказиш жараёнига ўзгартириш киритилган, унга кўра, қурилманинг IMEI кодини/кодларини рўйхатдан ўтказишда жисмоний шахслар томонидан фойдаланиладиган абонент рақами маҳаллий мобил операторларидан ариза берувчи номига расмийлаштирилган бўлиши кераклиги белгиланганди. Қатор ОАВ ва блогерлар мазкур ўзгариш қонунга зид равишда амалга оширилган бўлиши мумкинлигини билдирган.
Изоҳ (0)