Бензин нархининг кўтарилиши автомобиль қисмлари ва фармацевтика маҳсулотларини ишлаб чиқаришда қўлланадиган кимёвий моддалар танқислигини келтириб чиқармоқда. Бу ҳақда Financial Times хабар берди.
Танқислик туфайли зарурий маҳсулотларни ишлаб чиқариш харажатлари янада кўпаймоқда.
Каучук, нейлон ва фармацевтика маҳсулотларини ишлаб чиқаришда ишлатиладиган бензол ўтган ой Роттердамда рекорд даражада кўтарилди.
Пластик қадоқлаш ва тўқимачиликда ишлатиладиган толуол ва ксилен каби бошқа кимёвий моддалар ҳам сўнгги ҳафталарда 1980 йиллардан бери энг юқори нархга кўтарилди.
Нефть-кимё бўйича таҳлилчиларнинг таъкидлашича, сўнгги пайтларда нефть нархи тушиб кетган бўлса-да, юқори бензин нархлари туфайли нефтни қайта ишлаш корхоналари жуда қиммат кимёвий хом ашёлардан фойдаланишга мажбур бўлмоқда.
Бу қаҳвага аралаштириш учун сут ўрнига қаймоқ ишлатишга ўхшайди, — деди ICIS’дан Зубайр Адам.
HSBC кимё бўйича глобал раҳбари Срихарша Паппунинг таъкидлашича, нефть-кимё хом ашёсидан фойдаланадиган кимё ишлаб чиқарувчилари одатда инфляциядан фойда кўради.
Юқори нарх босими ҳамма кимёвий моддаларга таъсир ўтказмайди. Буюк Британиядаги дистрибютор бўлган Plastribution компаниясининг бош директори Майк Босвелл «ароматик» кимёвий моддаларнинг танқислигини, аммо пропилен кўплигини таъкидлади.
Аввалроқ «Ўзбекнефтгаз» бензин нархи яна ошгани юзасидан изоҳ берган эди.
Изоҳ (0)