Toshkentda suddagi ishini ijobiy hal qilib berishini aytib, fuqarodan 25 ming dollar talab qilgan shaxs ushlandi

Toshkent shahrida sudda ko‘rilayotgan ishini ijobiy hal qilib berishini aytib, fuqarodan pul talab qilgan shaxs qo‘lga olindi.

2021-yil 15-avgust kunidan to 2022-yil 10-yanvar kuniga qadar bo‘lgan vaqt 41 yoshli O.X. tanishi 75 yoshli M.Sh.ning ishonchiga kirib, Toshkent shahar tumanlararo iqtisodiy sudida ko‘rilayotgan ishini ijobiy hal qilib berishini, tanishlari ko‘pligini va yuridik sohadan xabardor ekanligini aytib, Mirobod tumani Mironshoh ko‘chasida joylashgan uylarning oldida fuqaro M.Sh.dan jami 25 000 AQSH dollari miqdoridagi pullarini olib, bergan va’dasini bajarmasdan, pullarni shaxsiy ehtiyojlariga ishlatib yuborganligi aniqlangan.

Mazkur holat yuzasidan Mirobod tuman IIO FMB Tergov bo‘limi tomonidan O.X.ga nisbatan Jinoyat kodeksning 168-moddasi 4-qismi “a” bandi (firibgarlik) bilan jinoyat ishi qo‘zg‘atilgan.

Jinoyat ishini tergov qilish davomida qonun doirasida har bir fuqaroning xati-harakatlariga huquqiy baho berilishi ta’minlanadi.