Тошкент шаҳрида судда кўрилаётган ишини ижобий ҳал қилиб беришини айтиб, фуқародан пул талаб қилган шахс қўлга олинди.
2021 йил 15 август кунидан то 2022 йил 10 январь кунига қадар бўлган вақт 41 ёшли О.Х. таниши 75 ёшли М.Ш.нинг ишончига кириб, Тошкент шаҳар туманлараро иқтисодий судида кўрилаётган ишини ижобий ҳал қилиб беришини, танишлари кўплигини ва юридик соҳадан хабардор эканлигини айтиб, Миробод тумани Мироншоҳ кўчасида жойлашган уйларнинг олдида фуқаро М.Ш.дан жами 25 000 АҚШ доллари миқдоридаги пулларини олиб, берган ваъдасини бажармасдан, пулларни шахсий эҳтиёжларига ишлатиб юборганлиги аниқланган.
Мазкур ҳолат юзасидан Миробод туман ИИО ФМБ Тергов бўлими томонидан О.Х.га нисбатан Жиноят кодекснинг 168-моддаси 4-қисми «а» банди (фирибгарлик) билан жиноят иши қўзғатилган.
Жиноят ишини тергов қилиш давомида қонун доирасида ҳар бир фуқаронинг хати-ҳаракатларига ҳуқуқий баҳо берилиши таъминланади.
Изоҳ (0)