11-iyul kuni Davlat Dumasi Rossiyaga qarshi “qurolli bosqinni qaytargan” chegarachilarga faxriy maqom berishni taklif qildi. Xarkov viloyatining bosib olingan tumanlari va Zaporojyening Melitopol tumanida ma’muriyat xodimlariga navbatdagi suiqasd uyushtirildi. Xarkovda turar joylar yana o‘qqa tutildi. 9-iyul kuni Donetsk viloyatining Chasiv Yar shahridagi turar joy binosiga Rossiya raketasi kelib tushishi oqibatida halok bo‘lganlar soni 34 kishiga yetdi. Meduza urushning 138-kuniga oid asosiy fotosuratlarni jamladi.
Xerson
Xerson viloyati aholisi pensiya olish uchun navbatda turibdi. May oyining boshida viloyatning “yangi ma’muriyati” pensiyalar endi rublda berilishini e’lon qilgandi.Foto: “TASS”
Xersondagi ko‘chada rus harbiysi. Mart oyining boshidan beri Xerson viloyatining ko‘p qismi Rossiya ishg‘oli ostida, shunga qaramay Ukraina Qurolli Kuchlari yangi qishloqlar ozod qilingani haqida muntazam ravishda xabar berib turibdi.Foto: “TASS”
Xarkov
Ukraina o‘t o‘chiruvchilari Xarkovda Rossiya tomonidan turar joy mavzesining o‘qqa tutilishi oqibatida yonib ketgan avtomobilni o‘chirmoqda. Ukraina hukumati ushbu mashinada ketayotgan olti kishi, jumladan, ota va uning 17 yoshli o‘g‘li halok bo‘lgani haqida xabar berdi.Foto: AP Photo
11-iyul kuni ertalab Xarkov tomonga otilgan Rossiya raketalaridan biri turar joy binosiga quladi.Foto: Reuters
Rossiya raketasining Xarkovdagi ko‘p qavatli uyga urilishi oqibatlari.Foto: “Ukrinform”
Foto: Ukraina FVX
Xarkovliklar Rossiya raketasidan zarar ko‘rgan olti qavatli turar joy binosida olib borilayotgan qutqaruv operatsiyasini kuzatmoqda.Foto: “Ukrinform”
Qutqaruvchilar Rossiya raketasining hujumi oqibatida halok bo‘lgan xarkovlik fuqaroning jasadini olib chiqmoqda.Foto: Reuters
Severodonetskdagi “Azot” kimyo zavodi hududida o‘qlardan ilma-teshik bo‘lgan temir yo‘l belgisi. Donbass shimolidagi ushbu yirik sanoat markazi uchun Ukraina kuchlari chekingunga qadar shiddatli janglar olib borildi.Foto: “TASS”
“Azot” zavodining o‘zi esa jiddiy zarar ko‘rgan — zavod binosi o‘qqa tutilgan, uning hududida Ukraina va Rossiya qo‘shinlari o‘rtasida janglar bo‘lib o‘tgan.Foto: “TASS”
Donetsk viloyati Chasiv Yar shaharchasida qutqaruvchilar vayronalar ostidan vafot etgan fuqaroning jasadini olib chiqmoqda. 9-iyul kuni rus qo‘shinlari shaharga raketa hujumi uyushtirdi va Rossiya Mudofaa vazirligi ma’lumotlariga ko‘ra, “uch yuzdan ortiq millatchini yo‘q qildi”. Raketalardan biri turar joy binosiga tushdi, vayronalar ostidan topilgan jasadlar soni 34 kishiga yetdi.Foto: Anadolu
Izoh (0)