11 июль куни Давлат Думаси Россияга қарши «қуролли босқинни қайтарган» чегарачиларга фахрий мақом беришни таклиф қилди. Харьков вилоятининг босиб олинган туманлари ва Запорожьенинг Мелитопол туманида маъмурият ходимларига навбатдаги суиқасд уюштирилди. Харьковда турар жойлар яна ўққа тутилди. 9 июль куни Донецк вилоятининг Часив Яр шаҳридаги турар жой биносига Россия ракетаси келиб тушиши оқибатида ҳалок бўлганлар сони 34 кишига етди. Meduza урушнинг 138-кунига оид асосий фотосуратларни жамлади.
Херсон
Херсон вилояти аҳолиси пенсия олиш учун навбатда турибди. Май ойининг бошида вилоятнинг «янги маъмурияти» пенсиялар энди рублда берилишини эълон қилганди.Фото: «ТАСС»
Херсондаги кўчада рус ҳарбийси. Март ойининг бошидан бери Херсон вилоятининг кўп қисми Россия ишғоли остида, шунга қарамай Украина Қуролли Кучлари янги қишлоқлар озод қилингани ҳақида мунтазам равишда хабар бериб турибди.Фото: «ТАСС»
Харьков
Украина ўт ўчирувчилари Харьковда Россия томонидан турар жой мавзесининг ўққа тутилиши оқибатида ёниб кетган автомобилни ўчирмоқда. Украина ҳукумати ушбу машинада кетаётган олти киши, жумладан, ота ва унинг 17 ёшли ўғли ҳалок бўлгани ҳақида хабар берди.Фото: AP Photo
11 июль куни эрталаб Харьков томонга отилган Россия ракеталаридан бири турар жой биносига қулади.Фото: Reuters
Россия ракетасининг Харьковдаги кўп қаватли уйга урилиши оқибатлари.Фото: «Укринформ»
Фото: Украина ФВХ
Харьковликлар Россия ракетасидан зарар кўрган олти қаватли турар жой биносида олиб борилаётган қутқарув операциясини кузатмоқда.Фото: «Укринформ»
Қутқарувчилар Россия ракетасининг ҳужуми оқибатида ҳалок бўлган харковлик фуқаронинг жасадини олиб чиқмоқда.Фото: Reuters
Северодонецкдаги «Азот» кимё заводи ҳудудида ўқлардан илма-тешик бўлган темир йўл белгиси. Донбасс шимолидаги ушбу йирик саноат маркази учун Украина кучлари чекингунга қадар шиддатли жанглар олиб борилди.Фото: «ТАСС»
«Азот» заводининг ўзи эса жиддий зарар кўрган — завод биноси ўққа тутилган, унинг ҳудудида Украина ва Россия қўшинлари ўртасида жанглар бўлиб ўтган.Фото: «ТАСС»
Донецк вилояти Часив Яр шаҳарчасида қутқарувчилар вайроналар остидан вафот этган фуқаронинг жасадини олиб чиқмоқда. 9 июль куни рус қўшинлари шаҳарга ракета ҳужуми уюштирди ва Россия Мудофаа вазирлиги маълумотларига кўра, «уч юздан ортиқ миллатчини йўқ қилди». Ракеталардан бири турар жой биносига тушди, вайроналар остидан топилган жасадлар сони 34 кишига етди.Фото: Anadolu
Изоҳ (0)