Yevropa Ittifoqi oziq-ovqat inqirozi tufayli o‘z vatanini tark etishga majbur bo‘ladigan yangi muhojirlar to‘lqiniga tayyorlanishi kerak. Bu haqda Yevropa Ittifoqining tashqi chegaralar xavfsizligi agentligi direktori vazifasini bajaruvchi Ayja Kalnaya ma’lum qildi.
“Biz oziq-ovqat xavfsizligi sababli boshqa mamlakatlardan qochqinlarning kelishiga tayyorlanishimiz kerak”, — dedi u YI tashqi ishlar vazirlari bilan uchrashuvda. Kalnaya “Ukrainadan g‘alla tashish qiyinligi va bu migratsiya to‘lqinlarini keltirib chiqarishini” ta’kidladi.
Yevropa Ittifoqining ichki ishlar bo‘yicha komissari Ilva Yoxanson, o‘z navbatida, oziq-ovqat taqchilligi, shuningdek, energiya narxining keskin oshishi odamlarni o‘z vatanini tark etishga majbur qiladigan tahdidlarni yuzaga keltirishini ta’kidladi.
Yoxanson Yevropa Ittifoqi bunga yo‘l qo‘ymaslikka harakat qilayotganini va buning uchun hamkor davlatlar bilan ish olib borish muhimligini qo‘shimcha qildi.
22-iyun kuni El Pais Yevropa Ittifoqi Rossiyaning Ukrainadagi bosqinining uchinchi dunyo davlatlari uchun ijtimoiy, siyosiy va iqtisodiy oqibatlari haqida hisobot tayyorlagani haqida xabar bergan edi.
YI Shimoliy Afrika mamlakatlarida “halokatli ocharchilik” va “ijtimoiy noroziliklarning yangi to‘lqinlari”, shuningdek, qo‘shni mintaqalar va YIda ichki migratsiya xavfi haqida ogohlantirgan.
Izoh (0)