AQSHda Eron Rossiyaga bir necha yuzlab dronlarni taqdim etishni rejalashtirayotgani haqida ma’lumot bor. Bu haqda AQSH prezidentining milliy xavfsizlik bo‘yicha maslahatchisi Jeyk Sallivan Associated Press’ga ma’lum qildi.
“Bizdagi ma’lumotlar shuni ko‘rsatadiki, Eron hukumati Rossiyaga tezlashtirilgan muddatda bir necha yuztagacha uchuvchisiz uchar apparatlar, jumladan, qurol tashishga qodir dronlarni taqdim etishga tayyorlanmoqda”, — dedi u.
Vashington ma’lumotlariga ko‘ra, Moskva Tehrondan Ukrainadagi urushda foydalanish uchun qurol-yarog‘ olib yurish imkoniyatiga ega bo‘lgan dronlarni taqdim etishni so‘ramoqda.
“Eron nafaqat dron bilan ta’minlashga, balki iyul oyida Rossiya qo‘shinlarini o‘z qurilmalaridan foydalanishga o‘rgatish uchun ham tayyorlanmoqda”, — dedi Sallivan.
Izoh (0)