Toshkentda ikki “KamAZ” svetoforning qizil chirog‘iga o‘tib ketgani aks etgan video tarqaldi. Holat yuzasidan YHXX ma’lumot berdi.
2022-yil 8-iyul kuni Toshkent shahar, Yakkasaroy tumani, Nukus ko‘chasida 2 ta “KamAZ” rusumli yuk avtomobillarining haydovchilari svetoforning taqiqlovchi qizil chirog‘ida harakatlanganligi aks etgan video ijtimoiy tarmoqda tarqalib, keng muhokamalarga sabab bo‘ldi.
Video yuzasidan Toshkent shahar IIBB JXX YHXB xodimlari tomonidan surishtiruv olib borilib, qoidabuzar haydovchilar — 1990-yilda tug‘ilgan Q.T. va 1989-yilda tug‘ilgan H.A.larga nisbatan O‘zbekiston Respublikasi Ma’muriy javobgarlik to‘g‘risidagi kodeksning 128-prim 4-moddasi tartibida bayonnoma rasmiylashtirildi.
Izoh (0)