Shavkat Mirziyoyev 11-iyul kuni ijtimoiy-iqtisodiy islohotlarning hududlardagi natijadorligi tahlili bo‘yicha yig‘ilish o‘tkazdi. Bu haqda Prezident matbuot xizmati xabar qildi.
Qayd etilishicha, yig‘ilishda tuman va shaharlarda islohotlarning samaradorligi, aholi va tadbirkorlar ko‘targan dolzarb masalalar atroflicha tahlil qilinib, takliflar bildirilgan. Xususan, ma’muriy islohotlarni davom ettirib, davlat xodimlari sonini optimallashtirish, mahalliy budjetlarni to‘g‘ri yo‘naltirish zarurligi aytilgan. Qishloq xo‘jaligida yerga uzoq muddatli kafolat berish, davlat aralashuvini kamaytirish, moliya xizmatlarini yaxshilash talab etilgan. Energiya resurslari ta’minoti, kadastr, yo‘l, kommunal xizmatlar tizimlari ham takomillashtirish ko‘rsatib o‘tilgan.
Prezident barcha islohotlarni pastdagi bo‘g‘inlarga bog‘lab, ularni aholi farovonligini oshirishga qaratish lozimligini alohida ta’kidlagan. Hukumatga muammolarni joyiga chiqqan holda o‘rganib borish va vaqtida chora ko‘rish bo‘yicha ko‘rsatmalar berilgan.
Izoh (0)