Namangan viloyati Chust tumanida 11-iyul kuni savdo do‘konida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar qildi.
Qayd etilishicha, 11-iyul kuni soat 18:56 da Chust tuman FVBga “Birlik” MFY Chustiy ko‘chasida joylashgan yakka tartibdagi tadbirkorga qarashli xususiy savdo do‘konda yong‘in sodir bo‘layotgani haqida xabar kelib tushgan. Kelib tushgan xabarga asosan yong‘in qutqaruvchilar tomonidan yong‘in bartaraf etilgan.
Holat oqibatida savdo do‘konining shift qismidan 45 kvadrat metr joyi hamda savdo do‘konda bo‘lgan maishiy texnikalar, savdo do‘koniga tegishli hujjatlar yonib zararlangan.
Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda.
Izoh (0)