“Yuventus” Pol Pogba transferini e’lon qildi.
Italiya klubi shu yozda “Manchester Yunayted”ni tekinga tark etgan futbolchi bilan 2026-yilning 30-iyuniga qadar mo‘ljallangan shartnoma imzolaganini ma’lum qildi. Fransuz “Yuventus”da 10-raqam ostida harakat qiladi.
“Yuventus” xabariga ko‘ra, 2022-yilning 31-avgustiga qadar klub 2,5 million yevro komissiya to‘lashi kerak.
Ma’lumot uchun, fransuz 2012-yildan 2016-yilgacha ham Turin klubida o‘ynagan, shundan so‘ng 100 million yevro evaziga “Manchester Yunayted”ga o‘tgandi.
29 yoshli futbolchi 2021/22-yilgi mavsum “Manchester Yunayted” safida 27 ta o‘yinda ishtirok etib, bitta gol va 9 ta golli uzatmaga mualliflik qildi.
Izoh (0)