Роберт Левандовски «Барселона»га ўтиш варианти амалга ошмаса, АПЛ грандини танлайди

«Бавария» ҳужумчиси Роберт Левандовски фаолиятини «Челси»да давом эттириши мумкин. Бу ҳақда Daily’га таяниб, «Чемпионат» хабар бермоқда.

Манбага кўра, футболчи каталонияликлар ва «Бавария» ўртасидаги музокаралар муваффақиятсизликка учраган тақдирда муқобил вариант сифатида Лондон клубини кўрмоқда.

Айни дамда польшалик футболчи «Барселона» билан шартнома имзолашга яқин, бироқ вазият Каталония клубидаги беқарор молиявий аҳвол туфайли мураккаблашмоқда. Айнан шу нарса келишувга тўсқинлик қилиши мумкин.

Шунингдек, «Челси»нинг ҳам футболчига қизиқиш билдиргани ва исталган вақтда келишувга қўшилишга тайёрлиги хабар қилинган. Лондонликлар Ромелу Лукаку кетганидан кейин ҳужум марказини кучайтирмоқчи.

Эслатиб ўтамиз, аввалроқ Роберт Левандовски немис клубидаги муддати тугагани ва жамоани тарк этмоқчи эканлигини айтган эди.