Toshkent shahar “103” xizmatiga tug‘uruq va homiladorlik patologiyalari bo‘yicha 2022-yilning o‘tgan olti oyi davomida 21 143 ta chaqiriq kelib tushgan. Bu haqda SSV matbuot xizmati xabar berdi.
Qayd etilishicha, shundan 38-40 haftalik homiladorlik davrida bo‘lgan 2342 nafar ayol tug‘uruq uchun murojaat qilgan.
Tez tibbiy yordam xizmati xodimlarining bevosita sa’y-harakati tufayli 25 nafar homilador ayol o‘z uyida farzandli bo‘lgan. Kutilmaganda boshlangan tug‘uruq va yana boshqa omillar sababli esa 3 nafar ona chaqalog‘ini tez yordam mashinasida dunyoga keltirgan.
“Eng muhimi, ‘103’ brigadalarining tezkor amalga oshirgan tibbiy yordami tufayli ushbu tug‘uruq jarayonlarining barchasi muvaffaqiyatli va hech qanday asoratlarsiz kechgan.
Ma’lumot uchun, 2022-yilning 6 oy davomida FHDY organlari tomonidan respublika bo’yicha 417 812 ta bolaning tug‘ilish qayd etilgan. Bu ko‘rsatkich o‘tgan yilning mos davri bilan solishtirilganda 22 355 taga ko‘p.
Izoh (0)